Free Wifi sa Westbound Terminal and Market Sugdan Sunod Bulan

GITUN-AN na karon sa kagamhanang lokal inabagan sa Department of Information and Communication Technology (DICT) ang pagplastar sa libre’ng wi-fi sa mga pampublikong lugar lakip na kamerkadohan ning syudad.

Kini base usab sa Republic Act 10929 o “AN ACT ESTABLISHING THE FREE INTERNET ACCESS PROGRAM IN PUBLIC PLACES IN THE COUNTRY.”

Gibutyag ni Engr Rolando Cabaluna, DICT Provincial Field Officer for Misamis Oriental, nga lakip ang East West Terminal and Public Market (EWTPM) makabaton na og libre’ng wi-fi sa dili madugay.

Dugang ni Cabaluna laumang masugdan na ang maong proyekto sa Westbound Public Market sunod bulan ug giandam na lamang ang mga rekisitos niini pinaagi sa pagpangulo ni Jocelyn Penalosa, ang market manager. (ACM)

Source: Cagayan de Oro City, Philippines