Kampanya batok peke nga vaccination cards gihingusgan

 

GISUGDAN sa lokal nga kagamhanan ang kampanya batok peke nga mga vaccination cards ug certificates nga gihimo ug gibaligya diha sa mga printing shop, internet cafes, ug susamang establisemento.

Kini human adunay impormasyon nga miabot sa mga otoridad nga adunay mga indibidwal nga gapahimo sa peke nga vaccination cards o’ certificates aron makasulod sa mga indoor establishments/venues diin gipatuman ang ‘no vaccine, no entry’.

Ang maong pagpameke sa dokumento usa ka kalapasan sa Revised Penal Code ubos sa Article 172 kon Falsification by private individual and use of falsified document diin mahimong silutan ang masapon nga mobuhat niini.

Alerto na ang mga otoridad sa pagsuta sa mga vaccination cards ug certificates aron masayran kung tinuod ba kini o’ gipeke lang sa mga indibidwal nga buot mosulod sa mga establisemento.

Gipahinumduman usab ang publiko nga ang nameke ug ang nagpabuhat sa peke nga dokumento ang mahimong responsable sa maong kalapasan sa balaod. (SPP/CIO/Photos by Wowel Condeza)